"Sonido y oído"

Na páxina da RTVE-RNE podemos atopar moitas cousas interesantes en relación coa música, pero é especialmente interesante a publicación en versión PODCAST dos seus programas. Aínda que a maior parte deles están adicados a un público adulto, atopamos pequenas xoias, coma o programa "SONIDO Y OÍDO"


"Sonido y oído" é un programa creado por Fernando Palacios onde este mostra todo o seu arsenal pedagóxico e didáctico-musical cun enfoque persoal e creativo. Coas novas tecnoloxías podemos descargar os arquivos e empregalos nos novos medios, así que xa sabedes... a podcastear!

A música a través do videoxogo

A través desta páxina do Ministerio de Educación sobre música tendes a oportunidade de facer un percorrido pola Historia da Música como se estivésedes dentro dun videoxogo. Animámosvos a que a olledes pois ésta é unha das moitas propostas didácticas que nelas se atopan.

Unidades didácticas - Música teatral - Instrumentos musicais - Melodía - Música contemporánea - Romanticismo e Clasicismo - Renacemento - Baixa Idade Media - Formas Musicais - Organización sonora - Flamenco - Música y tecnología - A voz. Dende este link accederás ás unidades didácticas anterioremente nomeadas, poderalas decargar e tamén ver máis temas.

A disfrutalas!!! Son moi boas. - Todalas unidades didácticas

Paisaxes sonoras de Galicia

Como soa o mercado de Fisterra? E os ferreiros de Riotorto? Que se escoita dende o parque das Illas Atlánticas? Todo isto e moito máis relacionado coas paisaxes sonoras da nosa terra podédelo atopar na web Escoitar.org, un proxecto que forma parte dun grupo de investigación da Universidade de Vigo. As súas actividades céntranse en:
*Conservación da Memoria Sonora de Galiza
*Posta en valor do patrimonio cultural inmaterial
*Restauración/dixitalizacón do Arquivo Sonoro de Galiza
*Seminarios/obradoiros para promocionar e fomentar o fenómeno sonoro.
*Fomento da participación dos oíntes na configuración do patrimonio sonoro.
*Traballo de campo/gravación e contextualización dos sons ambientais de Galiza a partir do punto de vista artí­stico, etnomusicolóxico, bioacústico e antropolóxico.


Disfrutade do paseo sonoro!!

Bits Sonoros

Dentro da colección "SUENA SUENA" (Huidobro e Velilla) adicada á música e ao movemento, atopamos os denominados "Bits Sonoros", que poden empregarse como toma de contacto co mundo sonoro en idades curtas.

Consisten en 82 tarxetas que mostran fotos de diferentes fontes sonoras. Cada unha delas vai acompañada do seu son correspondente, que está grabado nun CD . Estes bits de sons escomezan con aqueles que son cercanos aos nenos, como animais, obxectos e fenómenos da natureza, para pasar logo aos instrumentos musicais co fin de desenvolver e educar a percepción auditiva.